Vaalit Euruuppaparlamenthiin 2019

Vaalipäivä on 26 toukokuu, 2019. Äänestys etukätheen alkaa Ruottissa 8 toukokuu, 2019. On maholista äänestää ulkomailta preivin kautta alkaen 11 huhtikuu 2019. 2 toukokuu ja vaalipäivhään asti on maholista äänestää ulkomaila olevissa ambasaatissa eli konsulatissa.

Pajalan kunnankanslia atministreeraa vaalit Euruuppaparlamenthiin 2019.

Vaalipaikat ja aukioloaijat

Pajalan Sporthalli
Korpilombolon koulu
Täränön koulu
Junosuanon koulu
Kaunisvaaran Folkets Hus

Jokhainen vaalipaikka on vaalipäivänä, 26 toukokuu 2019, auki kello 08.00-21.00. Tämä on vaalilain mukhaan Euruuppaparlamentin vaalhiin.

Se vaalipaikka missä saatat äänestä näkkyy sinun äänestyskortista. Sie et saata äänestää muussa vaalipaikassa kun siinä paikassa mitä mainithaan.

Äänestyspaikat kun äänestää etukätheen ja aukioloaijat 

Pajalan kunnantalo
8-13 toukokuu 2019 kl.13.00-15.00
15 toukokuu 2019 kl.13.00-15.00
17 toukokuu 2019 kl.13.00-15.45
18-19 toukokuu 2019 kl.13.00-15.00
22 toukokuu 2019 kl.17.00-19.00
24 toukokuu 2019 kl.13.00-15.50
25 toukokuu 2019 kl.13.00-15.00

Korpilombolon kirjasto
13 toukokuu 2019 kl.13.00-15.00
20 toukokuu 2019 kl.17.00-19.00

Täränön kirjasto
14 toukokuu 2019 kl.13.00-15.00
21 toukokuu 2019 kl.17.00-19.00

Junosuanon koulu
16 toukokuu 2019 kl.13.00-15.00
23 toukokuu 2019 kl.17.00-19.00

Äänestys etukätheen, vaalipäivänä 26 toukokuu 2019, äänestyspaikoissa

Entinen Narkauksen koulu, kl.09.00-11.00
Entinen Kainulasjärven koulu, kl.13.00-16.00
Saittarovan Tre Tallar, kl.09.00-11.00
Kangoksen Allhuset, kl.14.00-17.00
Muodoslombolon kirkko, kl.08.00-10.00
Entinen Kitkiöjärven koulu, kl.12.00-14.00

Entinen Kihlankin koulu, kl.16.00-18.00
Sattajärven koulu, kl.08.00-13.00
Kaartiksen bygdegård, kl.09.00-12.00
Erkheikin Folkets Hus, kl.14.00-18.00
Pajalan kunnantalo, kl.18.00-21.00

Äänestys etukätheen vaalipäivänä 26 toukokuu 2019

Sie saatat äänestää etukätheen missä äänestyspaikassa sie haluat. Sinun äänestyskortissa on vähhiinthään yks ja enniiten neljä altternatiivia lähelä olevia äänestyspaikkoja lueteltu. Sie saatat äänestää missä haluat riippumatta mitä on mainittu äänestyskortissa.

Sulla häätyy olla mukana sinun äänestyskortti kun äänestät etukätheen. Sen sitten lähätethään siihen vaalipiirhiin mihinkä sie kuulut missä ääni sitten räknäthään ja sinun merkithään äänestysluettelossa. Vaalisalhaisuus säilytethään sillä tavala ette äänestyskortti erotethaan vaalikuvertista ennen kun se laskethaan vaalipönthöön.

Jos on vaalista kysymyksiä ota yhteyttä vaaliatministrasjuunin kans meilin kautta val@pajala.se eli soita väkselitelefoonin kautta 0978-120 00.Tietoja on lettava täältä, maholisia uusia tietoja näkkee kotisivun informasjuunista.

Uppdaterad: 2019-05-08 13.27 av linhuh