Pajalan kunta

 

Asukhaat
Tänä päivänä Pajalan kunnassa oon vajava 6 200 asukasta. 

Kielet

Suomi ja meänkieli oon viraliset minuriteettikielet Pajalassa.

Ilmat
Meilä oon selvät vuenaijat ko oon lumiset talvet, friskit kevhäät, sopevat kesät ja mukavat syksyt.

Saetta vuessa: suunile 600 milimeetteriä.
Keskilämpötila jyyni-aykysti: +17˚C
Keskilämpötila nuvemperi-fepryaari: -15˚C

Kulttuuri
Meilä oon rikas kulttuuri, jossa meän minuriteettikielilä oon iso rolli. Tornionlaakson teatteri esittää joka vuosi korkeatasosia esityksiä, joitten maanyksia oon kirjottanhee kirjailijat niinku Mikael Niemi ja Bengt Pohjanen.

Herätyssaarnaajala ja putanistila Lars Levi Lestaatiuksela oon ollu suuri vaikutus meän kulttuuriperinthöön.

Hänen pirtti oon säilyny vanhaassa kunnossa ja oon tänä päivänä museonna.

Uppdaterad: 2016-08-25 13.03

Lyhykäisiä tietoja
 

Pinta-ala: 7 886 kvatraattikilomeetteriä

Asukasmäärä: 6 180

82 kyllää

Likkiin krannikunnan pääpaikka: Suomen Kolari (n. 30 km)

Väylät: Tornionväylä, Kaihnuunväylä, Täränönväylä, Lainionväylä ja Muonionväylä oovvat kunnan viis rakentamatonta väylää

Issoin työnantaja: Pajalan kunta

Tärkeimät elinkeinot: Tyrismi, elektroniikka, sörvis ja mettä

Harvinaisuus: Keskelä kyllää Aurinkotorila seisoo mailman issoin aurinkokello, 38,33 meetteriä tiameetteristä.

Pajala oon Norrbottenissa 10 pelikuorman päässä napapiiriltä pohjosseen. Jyynin 1. päivän ja jyylin 12. päivän välilä meilä näkkyy keskiyön aurinko.

Meän kunnan sympoolina oon lapinpökkö, joka hyäksythiin vuona 1995. Lapinpökkö oli 1970-luun alussa kuolemassa sukupuuthoon. Siihen aikhaan lajin ainua pesimispaikka oli Pajalan kunnassa.