Pelastuspalvelu

Tärkeä tieto ihmisille

Sillon ko sattuu vakava onnettomuus saat ensi siassa tietoja raatiusta ja TV:stä. Jos onnettomuus oon niin vakava ette pelastusjohtaja tutkii ette häätyy antaa siittä tion ihmisille, niin saatethaan käyttää signaalia ”Tärkeä tieto ihmisille”.

Signaali ”Tärkeä tieto ihmisille”: 7 sekunnin ääni 14 sekunnin välilä. Larmi soipii koko aijan uuesti vähintänsä kahen minuutin aijan.

Signaali ”Vaara loppunu” raikuu ko vaara oon loppunu 30-40 sekunnin yhtä menoa soivana signaalina.

Larmia kovetelthaan klo. 15.00 marsin, jyynin, septämperin ja tesämperin ensimäisenä maanantaina jona ei ole pyhä.

Jos kuulet signaalia ”Tärkeä tieto ihmisille” niin sie piät:

-         Mennä suohjaan sisäle,

-         Panna klasit, ovet ja, jos on maholista, venttilasjuunin kiini,

-         Hakea tietoja raatiusta ja TV:stä,

-         Pysyä sisälä siksi ette saat raatiusta eli TV:stä muita tietoja elikkä siksi ette kuulet signaalin ”Vaara loppunu”.