Tervetuloa Pajalan kunthaan!

Pajalan kunta oon Tornionlaakson syämessä, jossa viis vaphaana virtaavaa väylää halkoo mettiä ja jänkkiä.

Kläpitten esikoulu kunnassa oon hyvin järjestetty, ja sitä tarjothaan kans paikalisilla minuriteettikielilä meänkielelä ja suomeksi. Kunnan kulttuurikoulu valithiin vuona 2013 Ruottin parhhaaksi kulttuurikouluksi. Kunnan kouluissa iso osa oon eksamineeratuita opettajia, jokka tekevä oppilhaitten kans aktiivisesti työtä minuriteettikielitten hyäksi. Sen lisäksi kunnan vanhoitten hoijole oon annettu monta kunniamerkkiä.

Kunnassa oon monipuolinen kulttuuri- ja vapa-ajan tarjonta, jossa minuriteettikielet pellaava isoa rollia. Tästä pittää huolen esimerkiksi Tornionlaakson teatteri heän korkeatasosila esityksilä.

 

 

Uppdaterad: 2018-08-16 15.21